Добродојдовте

Агенцијата за регулирање на железничкиот сектор

Почитувани, Интернет сајтот е креиран со цел да Ве запознае со поставеноста, улогата и начинот на функционирање на Агенцијата за регулирање на железничкиот сектор. Железничкиот транспорт е значаен логистички сегмент во економијата и развојот на општеството. Со либерализацијата на железничкиот сообраќај во Република Северна Македонија се поддржува и глобализацијата на општеството. Задача на Агенцијата е промоција на овој транспортен систем кој е економски најповолен сообраќаен систем за Република Северна Македонија како континентална земја, како за товарниот така и за патничкиот сообраќај а воедно и пријателски ориентиран кон човековата околина. Агенцијата за регулирање на железничкиот сектор има значајна улога во либерализацијата на железничкиот сектор во Република Северна Македонија, а со тоа и во воведување на конкурентнција меѓу транспортните компании на пазарот на железнички услуги. Агенцијата го обезбедува и недискриминаторскиот однос на управителот на Инфраструктурата кон сите транспортни компании . Се надевам дека на нашиот сајт ќе најдете потребни и корисни информации од областа на железниците кои ќе Ви овозможат да ги реализирате Вашите потреби.
Со почит, Директор М-р Боре Еркечов,

Тел: 02 3220 407

Меил: [email protected]

Историја на агенцијата

Агенцијата за регулирање на пазарот на железнички услуги е основана согласно член 4 став 1 од Законот за Агенцијата за регулирање на пазарот на железнички услуги ("Службен весник на Република Македонија" бр.7/2008) и за својата работа одговара пред Собранието на Република Северна Македонија. Се основа како самостојно и непрофитно правно лице со јавни овластувања утврдени со закон. Органи на Агенцијата се Управен одбор и директор. Нивните надлежности се утврдени со Законот за Агенцијата за регулирање на пазарот на железнички услуги и Статутот на Агенцијата. Агенцијата започна со работа во 2009 година. Во моментов, Агенцијата има 3 вработени. Основната дејност на Агенцијата согласно Законот за Агенцијата за регулирање на пазарот на железнички услуги е: - Обезбедување увид и непристрасност во извршувањето на дејностите во железничкиот превоз кои се вршат како услуги од јавен превоз, - Транспарентно и недискриминаторско работење на управителот на инфраструктурата и железничкиот превозник, - Контрола на квалитетот на услугите од инфраструктурната и транспортните компании.